गढ़वाली मुहावरे

Share

कुछ गढ़वाली मुहावरे:-

★दान आदिम की बात और आँमला कु स्वाद, बाद मा आन्दु ।

★.बान्दर का मुंड मा टोपली नि सुवान्दी ।

★.मि त्येरा गौं औलू क्या पौलू,तु मेरा गौं औलू क्या ल्यालु ।

★भेल़ लमड्यो त घौर नी आयो, बाघन खायो त घौर नी आयो।

★नि खांदी ब्वारी , सै-सुर खांदी ।

★ ब्वारी बुबा लाई बल अर ब्वारी बुबन खाई

★उछलि उछलि मारि फालि, कर्म पर द्वी नाली।

★अकल का टप्पु, सरमा बोझा घोड़ा मां अफु।

★सौण मरि सासू, भादो आयां आंसू।

★जु नि धोलो अफड़ो मुख, उक्या देलो हैका तैं सुख।

★ पढ़ाई लिखाई बल जाट, अर 16 दुनी आठ ।

★बिरालु मरयूं सबुन देखी, दूध खत्युँ कैन नि देखी ।

★ भिंडि बिराल्युं मा मुसा नि मरियेंदन।

★जै गौ जाण ही नी, वे गौं कु बाठु क्या पूछण ।

★मैं राणी, तू राणी, कु कुटलु, चीणा दाणी ।

★पठालु फ़ुटु पर ठकुराण नी उठु

★जख कुखड़ा नि होन्दा, तख रात नि खुल्दी

★बिगर अफ़ु मरयां, स्वर्ग नि जयेन्दु ।

★पैंसा नि पल्ला, दुई ब्यो कल्ला ।

★एक कुंडी माछा, नौ कुंडी झोल ।

★गोणी अपड़ु पुछ छोटु ही दिख्येन्दु ।

★सासु बोल्दी बेटी कू , सुणान्दी ब्वारी कू ।

★फाडू मुंड, अफ़ु नि मुंड्येन्द ।

★लुखु की साटि बिसैंई, म्यारा चौंल बिसैंई ।

★हाथा की त्येरी, तवा की म्यरी ।

★कखी डालु ढली, खक गोजु मारी ।

★जन मेरी गौड़ी रमाण च, तन दुधार भी होन्दी ।

★स्याल, कुखड़ों सी हौल लगदु त बल्द भुखा नि मरदा क्या ?

★मेंढकुं सी जु हौल लगदु त लोग बल्द किलै पाल्दा ?

★बुडीड पली ही इदगा छै, अब त वेकु नाती जु हुवेगी ।

★हैंका लाटु हसान्दु च, अर अपडु रुवान्दु च ।

★बाखुरी कु ज्यू भी नि जाऊ, बाग भी भुकु नि राऊ ।

★लौ भैंस जोड़ी, नितर कपाल देन्दु फ़ोड़ी ।

★जख मेल तख खेल, जख फ़ूट तख लूट ।

★जाणदु नि च बिछी कु मंत्र, साँपे दुली डाल्दु हाथ ।

★ तू ठगानी कु ठग, मी जाति कु ठग ।

★ ठुलो गोरू लोण बुकाओ , छोटु गोरू थोबड़ु चाटु।

★लूण त्येरी व्वेन नी धोली , आंखा मीकु तकणा।

★ भुंड न बास, अर शरील उदास ।

★भिंडि खाणु तै जोगी हुवे अर बासा रात भुक्कु ही रै ।

★अपड़ा जोगी जोग्ता , पल्या गौं कु संत ।

★बिराणी पीठ मा खावा, हग्दी दाँ गीत गावा ।

★ पैली खयाली खारु, फ़िर भाडा पोछणी ।

★ ब्वारी खति ना… , सासु मिठौण लग्युं… ।

★ खाँदी दाँ गेंडका सा, कामों दाँ मेंढका सा । (कामों दाँ आंखरो-कांखरो, खाँदी दाँ मोटो बाखरो ।)

★ खायी ना प्यायी, बीच बाटा मारणु कु आयी ।

★बांटी बूंटी खाणि गुड़ मिठै, इखुलि इखुलि खाणि गारे कटै।

★भग्यानो भै काल़ो, अभाग्यू नौनू काल़ो।

★ नोनियाल की लाईं आग , जनाना को देखुयुँ बाघ

★जै बौ पर जादा सारू छौ वे भैजी भैजी बुन्नी

★बाग गिजी बाखरी बिटि, चोर गिजी काखड़ी बिटि ।

★ म्यारू नौनु दूँ नि सकुदु , २० पता ख़ूब सकुदु ।

★धुये धुये की ग्वरा, अर लगै लगै की स्वरा नि होन्दा ।

★कौजाला पाणी मा छाया नि आन्दी ।

★अपड़ा लाटा की साणी अफु बिग्येन्दी ।

★ बड़ी पुज्यायी का भी चार भांडा, छोटी पुज्यायी का भी चार भांडा ।

★ अपड़ा गोरुं का पैणा सींग भी भला लगदां ।

★ साग बिगाड़ी माण न, गौं बिगाड़ी रांड न ।

★ कोड़ी कु शरील प्यारु, औंता कु धन प्यारु ।

★जन त्येरु बजणु, तन मेरु नाचणु ।

★ ना गोरी भली ना स्वाली ।

★राजौं का घौर मोतियुं कु अकाल ।

★जख मिली घलकी, उखी ढलकी ।

★ भैंसा का घिच्चा फ्योली कु फूल ।

★ सब दिन चंगु, त्योहार कु दिन नंगु ।

★ त्येरु लुकणु छुटी, म्यरु
भुकण छुटी ।

★कुक्कूर मा कपास और बांदर मा नरियूल ।

★ सारी ढेबरी मुंडी माँडी , अर पुछ्ड़ी दाँ न्याउँ (म्याउँ) ।